Semus in bàtoro e parimus duos

Mi scrive una lettera Mario Puddu (cui voglio molto bene), la persona che con più fatica, coraggio e determinazione ha lavorato per i Sardi sul Sardo negli ultimi decenni. Ne pubblico uno stralcio di grande utilità per combattere l’odio interpersonale indipendentista. Resta fermo che personalmente sono per fare una cosa più grande dell’unità degli indipendentisti. Io sono per costruire un’area della libertà, della democrazia e dei poteri della Sardegna, dove si ritrovino indipendentisti come me e Mario, ma anche socialisti, libertari, pacifisti, ambinetalisti, liberali e radicali. Un’area dei diritti della persona rispetto alla forza dei mercati e degli apparati. Ciò che dice Mario sulla radicalità dell’odio tra forze indipendentiste è pura verità ed è uno degli ostacoli principali sulla strada della costituenda unità della Nazione Sarda, che può realizzarsi solo nella tolleranza, nel riformismo e nella diversità. (pm)

Paulu Istimadu,

so Mario Pudhu, duas peràulas chi narant su mesu de totu su chi so: s’àteru mesu lu cheria nàrrere cun solu àteras duas peràulas: sardu, cristianu, una in su sensu chi, in sa realtade istórica de sa Sardigna pro sa libbertade e responsabbilidade personale in su mundhu, cherzo èssere cristianu (no animale) pessone civile, zente, s’àtera in su sensu chi cherzo èssere cristianu de Zesugristu.

E sigomente pesso chi sa chistione política deabberu de assoluta netzessidade, de diritu e de dovere de sos Sardos, est s’indipendhéntzia istitutzionale fintzas in su mundhu de oe (totu s’àteru est buratinismu, o aprofitamentu e istrumentalizatzione pro contos o torracontos personales), cheret chi, si semus zente, in cussa diretzione andhemus colletivamente cun frimmesa e seguresa.

In sensu ‘politicu’ apo votadu duas primas bortas a sa Democrazia Cristiana; comente pesso de àere abbertu un’ogru, una borta a su MPL de L. Labor, apo frecuentadu e azuadu in su Círculu Città Campagna e in su Movimentu de Su Populu Sardu, ma cun ideas indipendhentistas comente pesso de àere abbertu s’àteru ogru puru, e tandho de su 1979 a su 1994 so istadu in su PSd’Az (chi s’est dimustradu su chi creia de àere cumpresu de candho apo comintzadu a lu connòschere e istudiare) ma no ca cheria fàghere su ‘políticu’ e de tandho in goi solu e sempre prus cumbintu indipendhentista, iscritu cun neune ma azuendhe cun SNI, IRS, A Manca e pratigamente cun totu su ‘mundhu’, iscazadu, de s’indipendhentismu, cun ispesa personale fintzas manna in totu sas initziativas chi apo crétidu de cundivídere.

Intantu aio iscobertu a tie (de candho aias pubblicadu unu libberedhu candho fis in su ppi) e apretziadu sempre de prus a su puntu chi si abberzo su computer su manzanu o lu serro su sero depo compidare e lèzere in Sardegna e libertà (ma frecuento puru a Sardegna Soprattutto e Fondazione Sardinia).

Ma sempre meda prus pagu apo azuadu cun impignu de tempus de candho dae su 1987 mi so assentadu a fàghere su Ditzionàriu e sa Grammàtica, sempre de prus impitzadu coment’e docente in Masters, cursos de ‘agiornamentu’ pro docentes e personale de donzi zenia, cursos FILS, Labboratóriu de limba de su 2003 e su 2016 in s’Universidade e ancora oe so sighindhe faghindhe letziones de e in limba.

Sa chistione de fundhamentu de sos Sardos est sa chi apo nadu innanti. E però a su postu de fàghere fortza paris semus, nadu a sa campidanesa, iscallaus, e comente as bidu fintzas in custas úrtimas regionales, sempre e totugantos a carchi puntu percentuale de votos e unu pópulu sempre prus imbetzadu e malandhadu e iscaminadu.

Ca sa chistione za est fintzas cussa de collire votos e assumancu resessire a cazare/callai una fortza significativa determinante in custa realtade nostra de autostrada de iscaminamentu abberta a totu sas fortzas de su domíniu italianu chi nos ponent totu a iscórriu cun àteros Sardos etotu mancu disizendhe una unidade sempre numenada e chérfida mai.

Ma pro ite grupos e partidedhos, siglas e siglas, blogs e ‘cresiedhas’ prus che àteru serradas?

Si unu passu, naro unu e no mancu duos, aimus dépidu fàghere sos indipendhentistas fit cussu de unire sas fortzas chentza presuntziones de peruna zenia: sinono est a fàghere “corto circuito” e sa cosa no funtzionat, si frimmat,  amus prus pagu fortza de su chi podimus tènnere, damus prus pagu credibbilidade de sa chi podimus dare, semus in bàtoro e parimus duos e fintzas unu ebbia, no podimus fàghere promissas ca s’indipendhentismu rechedit libbertade e responsabbilidade, cumpeténtzias e cumportamentos chi cuncordent cun su bisonzu de guvernu de sa Sardigna ma parimus solu bonos a fàghere protestas (ojamomia sas protestas!), a murrunzare, a prànghere e a fuire emigrendhe e currindhe ifatu de totu sos bentos.

Deo osservo chi tra indipendhentistas mancu si bi chistionat: donzunu est cun sa ‘veridade’ sua prendere o lasciare.

Comente lu  superamus unu fratzionismu assurdu chi no batit a nudha? Cumprendho su bisonzu de èssere fortza organizada: ma totu sas ‘siglas’/partidos sunt sa divisione, no s’unione de unu mínimu denominadore comunu assolutamente netzessàriu chi siat fortza de cambiamentu.

Comente faghimus a realizare totugantos paris un’isperiéntzia de informatzione, formatzione, istúdiu de chistiones, discussiones e cunfrontu, cultura, organizatzione de initziativas e isperiéntzias de amministratzione chi no siant una tantum carchi mese prima de una votatzione e prus pagu puru una “summa” de programma vuoto a pèrdere? Chi siat, invetze, primu primu pro nois etotu, e pro sa zente puru e no in tempus de chirca de unu votu?

Deo creo chi amus bisonzu de duas ‘cosas’ unitàrias cun d-una prospetiva illimitada:

  1. Una in internèt ue si podet intrare e iscríere die cun die e fintzas orabrora;
  2. Una pubblicatzione mensile de informatzione, formatzione, istúdiu de chistiones, cultura, organizatzione de initziativas, chi permitat de pubblicare chentza sa presse a tamburo battente ma in manera prus aprufundhida e menzus informada.

Chi siat un’isperiéntzia a donzi modu unitària de totu su ‘mundhu’ indipendhentista, demogràtica, cun d-una redatzione chi régulet su “tràficu”, ma chi permitat a totus de bi leare parte pro su chi tenent de nàrrere. Namus una “€mesa” de donzi die, e fora de internèt unu mensile pro sas cosas prus significativas, chi si potat bídere fintzas pro chie no lu chircat, chi si potat difúndhere e potat istare prus a dispositzione chentza intrare o fintzas si no intrat in internèt e coltivet s’ispera de resurtare a nos guvernare prus a manu nostra.

0 commenti su “Semus in bàtoro e parimus duos

  • Mario istimadu,
    su chi naras de su mundu indipendentista sardu est beru; Paulu, sa maladìa, l’ aiat connotta dae meda, ca de una maladìa chistionamos. Paulu l’aìat lumenada “leaderismo”. In sa galassia de sos movimentos indipendentistas niunu de sos chi trazan su grupu e tribaglian a nde fraigare s’ ideologia – sos “leaders” – cheren torrare a dae segus dae su chi pensan issos, mancari lu pensen issos ebìa (e sos attivistas nono). A Paulu l’ apo ‘idu proande a chistionare cun Sanna, cun Gavinu Sale, cun Bustianu Cumpostu, dae urtimu cun Franciscu Sedda. Issos totu impignados a si tentare su “zero-virgola-tot” de su partiteddu insoro, a dare patentes de bonu e de malu, e a difendere sos printzipios ideologicos (de mannaria cant’e unu priogu) prus chi no a fagher. Ca su difficile est A FAGHER. A s’acabu, su chi addurat est su chi as fatu (“nande e faghinde!” naraìat babbu).
    Soe cunbintu chi su baranta po chentu de sos sardos la tian cherrer puru, s’ indipendentzia, ma est unu sentidu “romanticu”; est comente a bìere e a cherrer una pisedda/piseddu chi nos piaghet meda, ma a pustis nos cogiamos cun cussa/cussu chi ti cunbenit de pius. e gai semus sos sardos: bisamos sa libertade de detzidere e a pustis votamos a sos chi nos at chirradu Salvini, ca fintzas a ponne cabu in su votu bi cheret impignu.
    E tando tocat a sighire a gherrare po fagher cumprendere a sos chi tenen duda chi podimos tennere un’ economia digna e sustenibile, chi sas pensiones de sos sardos no sun una limosina de s’ istadu italianu, chi podimos sarbare sa cultura e sa limba nostra, chi podimos esser indipendentes, e depimos detzidere nois pro nois etotu, mancari costet tribagliu e impignu meda.
    Gherramos, discutimos, chistionamos, cun d’unu papilu o in internet, e chircande de attìre ideas a sos chistionos. E cun s’ idea de fagher. Mancari brighemus o cuntierremus, semper menzus chi no a morrer de “inedia cerebrale”, comente paret chi cherzan sos chi bi sun como.

  • Le divisioni credo, si possano attenuare solo con una disposizione dell’animo… Ho imparato nel corso degli anni che bisogna ascoltare innanzitutto chi ti è distante e non la pensa come te…
    Il mondo abbonda di gente che ha la verità in tasca; io credo la si costruisca per esaustione ed in maniera dialettica …se anche ne possedessi una la butterei subito via.
    Ma spesso nel vasto mondo indipendentista questa predisposizione non passa, si gioca al più puro dei puri…e alla fine si resta da soli.

Lascia un commento

Il tuo indirizzo email non sarà pubblicato. I campi obbligatori sono contrassegnati *

Puoi usare questi tag HTML e i relativi attributi:

<a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>